وقت الانتظـــــار..انتهـــــى

وقت الانتظار انتهى

اتفضل قوم..نتيجتك هنا

خليك واثق إنك هتلاقي اسمك

وافرح قبل ما تفتش وتدور على نفسك

عشان إنتَ ببساطة أحسنت الظن بربك

**

دخل الفتى..وكله أمل

شاف الورق متعلق وشكله شَكَل

راح يفتش ويجري ويشوف اسمه

كان خايف شوية يكون اسمه انمحى

محاه الزمن..وشال ملامحه وغطى عليه بالهوا

صدق ظنه..وانمحى اسمه من على ورق القدر

ملقاش اسمه..ممتش حلمه..بس فكر إنه انتهى

خلاص بقى..وقت الانتظار انتهى

**
ضحك الفتى..وابتسم

أصله عارف إن القدر حسم

وطبعا لازم يرضى ولو أمره جلل

ويعرف إن ربه ليه حكم

المرة دي بقى..مبكاش الفتى

خرج بعيد..وسرح بخياله لحد السما

قاله يارب راضي..وألمي كله اكتوى

**

كمل طريقه وخبى آثار الألم..

وصل لصحابه وعيونه ليها نغم

بس كان أذكى من كل المحن

ضحك وقالهم: إزيكم..بقالي كتير ماشفتكم

حبت عيونه تخدعه..تفكره..وتوقعه

قام الفتى قال هنسحب

أصل الحكاية..ورجع سكت

قرر يكمل..يضحك يفرفش

ما البشر مالهمش ذنب يشيلوا همه

**

كمل صاحبنا..أصل انتظاره انتهى

رجع بيته..وقال لأهله وقت الانتظار انتهى

ونتيجتي مكتوبة في السما

وأنا راضي بقدري بس ادعوا انتوا للفتى

وادعوا انتوا كمان:

"ومن اليقين ما تهون به عليه مصائب الدنيا"

تحية للفتى..

ومازال مُصِر إنه يكمل من حيث ابتدى

وهيوصل بإذن الله لأن هدفه طويل المدى

صاحبـــة هدف