تصرف غريب أحب أعرف رأيكم فيه..العم بياع الجوافة حضرته واقف في الشارع جمب عربية الجوافة بتاعته وكان عامل حاجة غريبة أوى
كل البياعين اللي جمبه..حاطين الجوافة الحلوة واللي شكلها مغري على الوش..لكن البياع دا حضرته كان حاطط الجوافة الضاربة كلها على الوش..وبصراحة كان منظرها مقرف جدا..
أكيد اللي بيحب الجوافة ويشوف المنظر البديع دا..عمره ما يفكر يشتري منه أبدا
طيب تصوروا بقى لو واحد عيان والدكتور منع عنه الجوافه..بس وهو ماشي نفسه راحتلها جدا
سيادته راح الشارع المشهور ببيع الجوافة..وكان حظه إن أول عربية شافها..هي عربية الجوافة الضاربة دي
تفتكروا هيعمل ايه؟
أنا شخصيا لو مكانه..هرجع من حيث أتيت ولا عمري أفكر أشتري من عند دا..غير إنه هيكون سد نفسي وممكن أقعد فترة على ما أفكر أشتري من بياع غيره...
بالله عليكم..لو سألتكم عن رأيكم في البياع دا هتقولوا ايه؟
الأول عشان أضمن بس رأيكم فيه...أحب أشوف وصف كل واحد هيرد للبياع دا..عشان لما أكمل الموضوع يبقى كل واحد قال إجابته بنفسه..مش أنا اللي قلتها له
أكيد للموضوع بقية لأنه موضوع شائك جدا وخطير جدا..ومتأكدة هيكون عليه اختلاف كبير
نرى ما رأيكم في البائع بتاع الجوافة الضاربة؟..ولو حد عنده رأي للي كان من المفترض يعمله البائع وهو عنده صنفين ضاربة ومش ضاربة
ثم نكمل في الجزء الثاني
تنبيه..أكيد مفضلش أتكلم بالأسلوب السابق..بس هو هيخدمني كتير في توصيل الفكرة..ولما يكمل الموضوع هيتضح الأمر..فياريت اللي يرد يكون تعليقه بيبعبر عن رأي جاد
بمعنى آخر..المدونة لا مكان فيها للمزاح أو التهريج
هناك 31 تعليقًا:
اولا الموضوع جميل جدا
احب اكون من اللى بيقولوا رايهم
هو طبعا هو فيه حاجه من الاتنين
الاول ممكن يكون البياع دا مستهتر
او يكون عنده ضمير
بس لو عنده ضمير
يعرض البضاعه بتاعته باسلوب لائق شويه
مش بالمنظر المقزز اللى انتى بتقولى عليه
انتى عارفه
الاسلام دخل الاندلس ازاى
عن طريق التجار
التاجر المسلم
كان لما بينادى على البضاعه بتاعته وبالذات الاقمشه
كان بيقول من يشترى البضاعه على عيبها
المشترى كان بيجى يشوف ايه العيب
يلاقى عيب بسيط جدا
هو لو اشتراها عمره ما هياخد باله منه
يعنى صدق التجار هو اللى دخل الاسلام الاندلس
انا معرفش التاجر دا
بس ممكن احكم عليه
من المعامله معاه
انا عن نفسى يمكن اسنتتج ان حضرتك تقصدى مثلا قضيه الاخوان ؟
المقوله اللى بتقول النقد الذاتى نشر للغسيل الوسخ على الملأ
يعنى احتمال ضعيف
واكيد انا باستبعد ان الامانه والضمير يخلى التاجر يعرض اسوأ بضاعته ويخفى الحسن منها
............
فى انتظار شرح حضرتك :)
.......
احيي حضرتك على امثالك فى البوستات دمتى مبدعه يافندم
.....
كان نفسى اعرف اجابه حضرتك على سؤال البوست اللى عندى :)
اه
اجابه على سؤال حضرتك
راييى فى البياع
اكيد بائع ساذج لو كان بيعمل كده عشان الامانه :)
أول حاجة خطرت في ذهني موقف رسول الله صلي الله عليه وسلم لما المطر بلل الارز اللي كان بيبيعه
وكان بيقول للناس انه الارز مبلول قبل ما يشتروا منه
ولو هو كده فعلا يبقي انسان أمين ومش بيغش حد
لكن لو أنا بشتري مش هشتري منه بصراحة
لاني هفضل اشتري حاجة كويسة.
يعني مش هشتري منه
ده كمان بيظهر الانخداع بالمظهر مع ان البياع اللي بيعرض الحاجة الكويسة ممكن كمان يديكي جوافة حالتها أسوأ من التاني ويغشك
الا اننا دايما بنفضل نتعامل مع المظهر الكويس حتي لو خدعنا
جزاكم الله خيرا دايما موضوعاتك شيقة
ربنا يديم عليكي الابداع
بس مش عارفة كده قربت ولالا
عموما في انتظار الجزء التاني
الفطرة و الطبيعى ان الواحد يظهر ما يملكه من إيجابيات
و أن يستحيى مما يملكه من سلبيات
و يخفيها لعل الله يوفقه لاستئصالها أو تحويلها إلى إيجابيات
---------------------
فيه فكرة تانية ممكن تحصل
ان الشخص يحب أن يكون صريح و واضح
فيظهر سلبياته و يمعن فيها كى لا يحس بأنه منافق
و أنه على طبيعته كى يعرفه الناس بها ولا يغشهم فى نفسه
هذه نظرية ... لكنى لا أحبذها
ربنا يستر عيوبنا يا رب
و يعيننا عليها
ده رأيي اللى أخدته من قصة بياع الجوافة
و الله أعلم
لا أدرى إن كنتى تقصدى شيئا آخر
نحن فى انتظار تعقيبك و البوست القادم لنفهم مقصودك أكثر
د.حماس
أخي الفاضل رومانسي
تعليق حضرتك مقنع جدا
فعلا هو حاجة من الإتنين يا إما مستهتر ويا إما عنده ضمير بس الضمير ميحتمش اللي بيعمله
عامة أنا ليا رأي آخر أقوله في الآخر ان شاء الله بخصوص اللي كان من المفروض يعمله
جزاكم الله خيرا
أخي الفاضل:د\ حماس
رأي حضرتك الأول أيضا مقنع
لكن بحكم إني هربط بين الموضوع دا واللي بعده..فهيكون رأي حضرتك بعيد شوية عن اللى هيتكتب
أخت مسلمة... رأي قد يأخذ به لكن في حالة غير الحالة اللي هتكمل عنها في الجزء التاني ان شاء الله
طبعا يا جماعة آرائكم كلها جيدة..لكن بحكم إن ضربت المثل على موضوع
فأكيد المثل هشرحه فيما بعد من زاوية واحده
في حد فيكم وصل للمعنى المطلوب تقريبا وأعترف بذكائه
أشكره في البوست القادم ان شاء الله
لكن بعد ما نشوف آراء الباقيين
أخي الفاضل حسام :
الموضوع أكبر مما حضرتك تتصور
خلينا نمشيها واحدة واحدة ونعرف آرائهم..بحيث تكون الإجابة صادرة منهم
ثم نكمل لهم باقي الموضوع
جزاكم الله خيرا..وهرجع عند حضرتك تاني أجاوب على السؤال بإذن الله
السلام عليكم ورحمه الله وبركاته اولا لو تقصدي بالموضوع بائع الجوافه اما عنده ضمير او معندوش اهميه بالاشياء بس لو عنده ضمير فيجب عليه ان يعرض البضاعه بشكل اجمل مما وصفتيه اما انا شخصيا لم اشتري منه ابدا
الأخت الكريمة/صاحبة هدف..
رغم أني لست من المغرمين بالجوافة الضارب منها والسليم
تذكرت كتيب بعنوان
((انّ منكم منفّرين)) ..لا أدري لمن غير أني أظن ان له علاقة بالموضوع
رأيي كالتالي:
1- لا اختلاف على خطأ البائع في عرض بضاعته طالما أنه يملك السليم والضارب .
2-الأولى به وضع السليم واظهاره وكشفه حتى يراه الناس فيجتمعوا عليه .
(هذا ان افترضنا ان عنده سليم)..
2-لا يملك الجميع كل الذكاء الذي يمكنهم من (تلميع) بضاعتهم وعرضها للناس ,
4- أسأل الله ان يستر عيوبنا.
أخي الفاضل: نور الدين
أحيي حضرتك على رأيك الصائب والذي جاء في لب الموضوع..كما يعتبر بمثابة قراءة لأفكار ما سأكتب
جزاكم الله خيرا
روبي:
أتفق معكي فيما قلتي..إنك مش هتشتري منه
ودي كارثة كبيرة جدا..هنتفهمها لما ينزل الجزء التاني
أولاً أشكر صاحبة هدف لمرورها على إشراقة أون لاين
ثانياً بأننى أعترف بوجود الجوافة المضروبة فيما بيننا كأشخاص نتواجد على ردب الحياة , تلك الحياة التى تجد فيها أنفساً تحقر كل دنئ"سئ" وتبغطه وتحب بان تكون فى أعلى المراتب وأفضلها وأسألوا ضمائركم ....والكلام للكاتب قبل القارئ ... هل ترضى لنفسك بأكل جوافة مضروبة طالما ذكرنا المثل ؟؟
أظن أن للرد شكوك فى النفس....التى هى محل إقامتنافى الحياة
آسف على إطالتى ...الله جزاكم.
أخي الفاضل: إشراقة أون لاين
حقيقة كلام حضرتك أكبر مما يستوعبه عقلي
فلم أفهم شيئا ولم أفهم ما ترمي إليه
جزاكم الله خيرا
أخي/اشراقة اونلاين..
الأخت لم تخض بعد في أعماق الجوافة الضاربة ولم تكتشف كل انواعها بعد..
هناك ما فسد منه القشر وبقى الداخل على نضارته..
وهناك فسد باطنه وبقي الخارج لامعًا براقا يجذب حوله من يغرهم الشكل الجميل.
وهناك ما اختلط فيه هذا وذاك فالله المستعان..
وأسال نفسي ما سألته أنت ..
ربنا يرحمنا..
جزاكم الله خيرا أخي
وجزاكم خيرا اختنا صاحبة هدف على موضوعك الطيب.
واذا احتجت بعض أمثلة لأنواع الجوافة ..فأعرف منها الكثير..
أخوكم
السلام عليكم...أخى نور الدين...أختى صاحبة هدف...كل القراء
معذرة على عدم تفهمى للأمر جيداً من قبل ...الذى جعلنى اتشدق بكلام لم يستفد منه أحد .. لكن كل ما أردته أن أصوب الهدف -ياصاحبة الهدف-إلى أن الإنسان بداخله معارك لا يستطيع أحد منا أن يتنبأ بما تفضيه تلك المعارك , فهى إما كونها شيطانية أو نفسية او هوائية أو ربانية, لكن الأصل الذى نراه أن الإنسان يكره أن يكون فى الأسفل فعندما يرى جوافة مضروبة يأبه ان يأكلها لأن النفس لم تتعود على النقص والدنو وتلك من مظاهر المعركة الداخلية بهذه الجثة....لكن البائع الذى يعرض تلكم البضائع الغير صالحة فرؤيتى أنه ليس من العقل أن يدهم نفسه فى أغوار بعيدة تماما ترمى به إلى تهلكة الضمير قبل تهلكة بضاعته أى بالبلدى زى مابيقولوا إن فعلاً لو مبعبش الجوافة هيأنب ضميره مع إنه عنده السليم ..ولا أظن تماما إن هذا من قبل حسن وصفاء السريرة.لأنه درب من الجنون
الله أسأل أن يفهم كلامى كما أردت.
سريعا..ولي عودة لاحقة
فهمت كلام حضرتك أخي الفاضل إشراقة أون لاين
أما عن حضرتك أخي نور الدين..فأعتقد أن حضرتك فهمت تماما ما سأتحدث عنه
وإن كان اعتقادي في محله..فبالفعل سأحتاج إلى خبرتكم في بعض أنواع الجوافة
وجزاكم الله خيرا
رأيي زي رومانسي
و تقبل الله منا ومنكم
اممممممم
انا عن نفسي رأيى فيه كالاتى
الرجل هذا من ازكى البائعين لانه استطاع ان يراه الناس والاعلام ويكتب عنه انتى ومثلك وغيرهن فهو بذلك نال شهرة :):):)
تانى حاجة الله اعلم بنواياه لكن هو ممكن يكون بيخلص من الوحش الاول وبعد كدة يفكر يبيع الحلو وممكن ربنا يرزقه بواحد من الارياف يكون جاى يشتري جوافة بايظة للغنم اللى عنده فطبعا مش هيتأرف فهيشتري كل البايظ وبعد كدة يتبقى السليم ويبيعوا عادى
ولى راى تالت لكن هقوله بعدين
جزاهم الله خيراً الأخوة والأخوات...
مش سابوا حاجة خالص
ومنتظرة البوست القادم بشوق شديد...
***كل عام وأنتى بخير***
ذات النطاقين..عاشقة الشهادة وعاشقة فلسطين..جزاكم الله خيرا
أخي الفاضل: عبد الله
أحترم رأي حضرتك..لكن سبق وذكرت أني ضربت المثل قاصدة به زاوية معينة
ورأي حضرتك تقريبا بعيد عنها شوية
في انتظار الرأي الثالث
وجزاكم الله خيرا
خلاص مستني الزاوية اللى حضرتك تقصديها
السلام عليكم ورحمة الله وبركاته
بص من غير تهريج والله
بس اكيد عربية الجوافه دي مش بتاعته
لانها لو بتاعته كان اكيد ها يهتم بجر رجل الزبون ع الاقل وبعدين الضاربه دي يلزقها للزبائن زي اللي بيحصل في المعتاد
اصله حتي لو بتاعته مش معقول معذب نفسه وواقف في الشمس والشارع والتراب علشان يعذب نفسه
كل عيد وانت بخير وهذا اول مرور لي
تقبل مروري
تحياتي
الي اللقاء
كيميت:
مش فاهمة رأي حضرتك
تنبيه بسيط: أنا فتاة مش ولد
صاحبة هدف
لست صاحب هدف
وجزاكم الله خيرا
وحضرتك بخير..وكل سنة وحضرتك طيبة
جزاكى الله خيرا
سبقنى الكثير بآرائهم التى اتفق مع بعضها
فرأيي
هو تقريبا رجل ذا ضمير واصل على عكس الكثير ممن يخدوعوا اعيننا بالمنظر الجميل ونشترى منهم ونتفاجئ بالجوافه الضاربه التى لا تؤكل من منظرها
فهذا الرجل لم يرد ان يخدعنا ويعرف ان من يتق الله يرزفه من حيث لا يحتسب..والله اعلم بالنوايا..لكن الاجمل انه كان مثلا وضعها بجانب العربه ووضع الجميله فى الامام كى يكون المنظر لائق..(ان الله جميل يحب الجمال) ويخبر من يشترى منه ان هناك جوافه ضاربه لمن يريدها
وانا اتفق مع راى الاخ حسام وهى قضيه الاخوان والاستهتار الواضح فيما قلتى
اتمنمى ان لا اكون قد اطلت وان اكون قد وصلت ما اريده
جزاكم الله خيرا
ننتظر
قصد حضرتك
:)
قريبا بإذن الله
( كمثل الشيطان اذ قال للانسان اكفرفلما كفر قال اني برئ منك اني اخاف الله رب العالمين )
إرسال تعليق