السبت، 20 مارس 2010

النتيجة..والحمد لله




أهدي نجـــــــاحـــــــي

إلى الأقصى الحبيب

إلى دعوتي الحبيبة

إلى أبي الغالي وأمي الغالية

إلى كل صديقاتي في الكلية أولاً ثم في أنحاء الأرض

وكل العرفان والامتنان إلى المخلصة "سمية" شريكتي في الفكرة ورفيقتي في الرحلة

جزاكِ الله عني خير الجزاء يا من زرعتي بداخلي معنى الأمل وحب التفوق

***

يا ربي لك الحمد كما ينبغي لجلال وجهك وعظيم سلطانك

الثلاثاء، 9 مارس 2010

يود أن يختفي..,



يتمنى لو يختفي لأيام..من على سطح الأرض

لا يراه أحد.., لا يُعرف له أثر

يتمنى أن يرتدي قبعة الاختفاء لينهي مهماته..,دون أثر

يتمنى أن يهرب من....

من أشياء كثيرة

يتمنى يتمنى يتمنى

ألا يستطيعون أن يحققوا له ولو أمنية واحدة!!

أخرس اللسان..كثير الكلام

معادلة معقدة لا يفهمها إلا هو

النجدة يارب

الجمعة، 5 مارس 2010

أنا بحب..دي فيهــا حاجــــة!!


من غير مقدمات..أنا بحبه أوي أوي أوي..والله بحبه وبعترف للعالم إني بحبه

بتحبوه؟؟

أنا مش بغير من حد..اللي بيحبه يقول عادي

بس استنوا: اللي بيحب حد دايما بيبقى مهتم بيه وبيتابع أخباره أول بأول..واللي مش بيتابع معلش..يبقى مش بيحب بجد

صح؟

المهم حبيبنا دا في خطر..عارفين يعني إيه في خطر؟

بتحبوه يا عالم!!.., بتحبوه بجد؟؟ طب لو بتحبوه ساكتين ليه؟!!

هو والله مش ملك الفلسطينيين لوحدهم

دا بتاعنا كلنا..لأنه حبيبنا كلنا

حبيبنا"المسجد الأقصى" في خطر

والله في خطر

يوم 16\3 احتمـــــــــالية كبيرة يهــدوا جزء من المسجد الأقصى

عارفين يعني إيه يهدوا جزء منه؟ واحنا لسه منا اللي مش عارف أخبار الأقصى!

أرجوكم..أرجوكم..أرجوكم كفاية قسوة وسلبية

دا من ضمن مقدساتنا

دا بيت ربنا..ومش أي بيت يا بنات..مش أي بيت والله دا من ضمن ما لا تشد الرحال إلا إليه ودا مسرى الرسول صلى الله عليه وسلم

يااااااه..بقالنا كتير بجد مش بنفكر غير في نفسنا وفي حياتنا ومشاكلنا ومذاكرتنا ومحاضراتنا وشياكتنا

طب والأقصى بتاع ربنا؟؟

ردوا عليا

هنقله معلش احنا مش فاضيين

إنت مش مهم عندنا؟

شوفلك حد تاني!!

لأ..لأ وألف لأ

مش احنا اللي قلبنا كدا..ولا احنا اللي ديننا علمنا كدا..ولا دا اللي عرفناه عن رسولنا

احنا مش مسلمين بالاسم..مش مسلمين بالوراثة

احنا مسلمين بالعقل والقلب والجوارح والاحساس

قومـــــوا .. اتحركــــوا أنا قلبي بيهتز

أنا شايلة قضية أمة..أنا عارفة أنا اتخلقت ليه

أنا مش هنا عشان ألعب..أنا هنا عشان عندي رسالة وهدف

مش هسكت..أيوا والله مش هسكت

قوموا قولوا معايا مش هنسكت..حركوا قلوبكم..حركوها دي قلوبنا اتحجرت من زمن

قوموا ندور ونفكر ونلف ونبتكر عشان اللي بنحبه

حبيبنا غالي يا عالم..حبيبنا غالي والله غالي

حبيبنا مش رخيص

حبيبنا بيتهان واليهود دخلوا يعملوا شعائرهم فيه

المرابطين جوا الأقصى بيتبهدلوا ..بس دي ناس بتحب بجد

ناس ممكن تموت عشان ربنا اللي بيحبوه

فكرت ممكن نعمل إيه وطلعت بالأفكار دي..ولازم نطبقها إن شاء الله:

1-ننشر حملة نغمات للأقصى على الموبايلات

2-هنكلم أي حد عن موقف الأقصى الحرج وهنتابع الأخبار أول بأول

3-هندعي..بس هندعي بجد ومن قلبنا في كل صلاة

4-هنقاطع..هنقاطع..هنقاطع عشان حبيبنا الأقصى

5-تعالوا نبطل ذنوب..اللي بيحصل دا بذنوبنا اه والله..لأن البلاء مش بينزل على أمة غير بذنوبها..وذنبي على ذنبك على ذنب غيرنا وغيرنا عملوا جبل يهود بيضر حبيبنا..تعالوا نبطل غيبة وكلام مش مفيد وتعالوا نلبس لبس بجد يرضى ربنا ونعيش لهدف..هدف حقيقي هدف يوصل للجنة

**

ماذا نقول..إذا التقينا بالرسول؟

هنقله إيه؟

هنقله يا هل ترى؟ شفت اللي للأمة جرى؟

شفت البشر!! وقلوب أشد من الحجر!!

والشمس تشهد والقمر! صابرين على حكم القدر

هنقله إيه؟؟ هنقله إيه؟؟

يلا..أرجوكِ يلا..إنتِ لسه هتفكري!.. لأ..لأ..أكيد قررتي..الأقصى بينادي..معقولة لسه مش سمعاه؟.., لو فتحتي التلفزيون هتسمعي صوته بينادي علينا

صدقيني..قلبك لسه بخير..لسه فيه رحمة ونخوة..بس إنتِ إوعي تفكري في نفسك وبس

خليكِ زي رسولنا صلى الله عليه وسلم ..فكري في أحوال الإسلام..يـــلا بقى..الأقصـــــــــى في خطـــــر والاقتحامات شغــالة

لبيك يا أقصــــى..لبيك يا أقصـــــى..لبيك يا أقصــــى

استني هتحطي الورقة دي فين؟..,مظنش إن قلبك هيخليكِ ترميها أو تقريها بدون اهتمام..يلا قولي معايا"لبيـــك يا أقصانــــا..لبيك يا أقصــــانا"

رسالة من طالبة بتفكر في حال أمتها

ومش هتبطــــــل...

الأحد، 21 فبراير 2010

دا إيه دا؟..الجزء الثاني




أنت مرن..صحيح؟

نعم أنت من قلت ذلك

أتعلم أن الشخص المرن هو من يستطيع تغيير أفعاله وقناعاته ومعتقداته كل فترة صغيرة..,حسب معرفته بالحديث والجديد!!

قد تراه اليوم يشرب كوباً من الشاي ثم بعد سويعات يحتسي كوباً من الزنجبيل وذلك لسبب بسيط: علم أن الشاي يدمر الحديد في الجسم بينما الزنجبيل ذي الطعم المر له فوائد عديدة

العجيب أنه يقبل مرارة ولذاعة الزنجبيل في سبيل..,

(الصحة)

أي صحة؟

وما الذي نعنيه بالصحة؟

**

هل سمعت من قبل عن مصطلح يدعى"صحة الصحيفة اليمنى؟"

كذلك هل سمعت من قبل عن مصطلح"المرونة مع الله؟"

ليست مصطلحات غربية ولا شرقية

هي مصطلحات قلبية

للإنسان المرن الذي يخطئ وبمجرد

بمجرد

بمجرد

أن يعرف خطأه

يهرول مستغفراً تائباً منبياً

ذلك الذي عنده اتساق بين أقواله وأفعاله

يستطيع أن يتخلى عن أي فعل لا يرضاه الله..ليحوز"صحة صحيفته اليمنى"

الآن أستطيع أن أعيد سؤالي..,

ولكن لا أظن الجواب بسهولة كالسابق

سأطرح عليك بعض الأسئلة "أجب عليها في سرك" أولاً ثم أذيلها بنفس السؤال:

- تعلم حدود الاختلاط جيداً وضرورته..فهل بالفعل تطبق ما تعرفه في خلوتك وفي أي مكان لا يراك فيه إلا الله سواء على الواقع أو على النت

-تستطيع التخلي عن أي تصرف تعتاد ممارسته..فقط فقط بمجرد مرور أي شخص قائلاً :انتبه أنت مخطئ

-تخيل..فقط تخيل

أنك تفعل أشياء لا تحب أبداً أن يعلمها أحد من البشر لأنك ذو مكانة عالية وبعلمهم يسقط نجمك

هل تحب أن يعرفها أحد عنك؟

بالطبع لا

تخيل..أنك لا تحب أن يعلمها أحد..وهان عليك ربك فعلمها ولم تخجل وأن تتيقن أنك مخطأ فيه حقه ولكن مازلت تتبع نفسك إلى حيث لا تعرف

-تعرف الشبهة..فتبتعد كل البعد وتقذف نفسك بعيداً عنها?

وأخيراً:

أعيد سؤالي:

هل؟

هل؟

هل أنت مرن مع ربك؟

**

ما زال بيننا وبين الله مسافات

وبين أقوالنا وعلمنا وبين التطبيق أبعاد

**

دعوة..للانكسار لله عز وجل

ومراجعة النفس

**

كَبِّل نفسك وهواك اليوم..وكنت أنت المرن


الثلاثاء، 16 فبراير 2010

دا إيـــــــه دا؟؟؟



دا إيه دا؟ وإيه القرف دا؟

هاتين العبارتين كثيراً أو قليلاً ما تدوران على ألسنتنا عندما نحاول إدارة أي حوار أو نقاش مع:

*الإنسان الجامد*..

ذلك الذي نقابله نحن كأفراد بشرية لها مشاعر وأحاسيس وطاقات لها حدود..,نتجنب الثرثرة الكثيرة معه فيما لا يعود بطائل ,فجموده ويباسة فكره وتحجر عقله واللا منطقية لمنطقه هي الدافع الأكبر لذلك
له قناعات جامدة وأفكار قاسية وتصرفات ناقصة,

أحياناً لما يفيض الكيل نرمقه بنظرات دالة على عدم الرغبة في الحوار..,لمَ لا وقد أحكم القفل على عقله الذي لا يقبل نقاشاً ولا مفاوضة...,

بالطبع وأنت تقرأ كلماتي هذه تشاركني نفس الشعور وتطئطئ رأسك موافقة على ما أقول

بمعنى أصح..تعد نفسك شخصاً مرناً.., رافضاً لتصرفات وأفكار أصحاب الجمود

ولكن قبل أن أدخل للب الموضوع يجب أن نعلم أن الإنسان المرن: من يقبل تصرفات الآخرين بأي شكل كانت ويستطيع التأقلم وسط أي مجموعة بشرية
يتميز بمرونة عقله وأفكاره وتصرفاته أي أن لديه القدرة على ترك الفكرة أو التصرف الذي يعرف أنه ينافي الدرجات العليا بمجرد فقط فقط معرفته

يتبقى السؤال:

هل أنت شخص مرن؟

-نعم
-لا


ننتظر الإجابة

وفي الجزء الثاني من حوارنا..سنكتشف جميعاً أشياء جديدة

لأول مرة..سنقف أمام.....

انتظرونا
إن شاء الله

السبت، 30 يناير 2010

حرارتي مرتفعة..إني أُحْتَضَرْ


حرارتي مرتفعة..فأسألكم الدعاء

جاوزت الحد الطبيعي..وأظنها من العسير أن تنخفض

قد أموت..بل لا أشك في أن نهايتي اقتربت

لن ألوم إلا نفسي..فقد أهملت صحتي وبدت علامات التعب على ملامحي

ولكني أصبحت أؤجل الذهاب إلى الطبيب أو حتى أخذ العلاج

حتى تفاقم المرض وتفشى ولم يُعد في استطاعتي السيطرة عليه بأي دواء

سأموت..وأنا أستحق الموت

فالمؤمن القوي خير عند الله من المؤمن الضعيف

بدأت حالة الإعياء بحرارة طفيفة..,أهملتها..حتى زادت حدتها وجاوزت الـــ 40

الحمد لله على كل حال..إني لمشفقة على حالي

هكذا هي نهاية كل مقصر

يا ليتني..يا ليتني أخذت الدواء منذ البداية..لكنت الآن في قمة الراحة والصحة والعافية

الحمد لله

ولكن..لن يموت الأمل بداخلي..فقد تبقى الدعاء وكورس العلاج الطويل نوعاً ما والمفيد كذلك

سأعالج شيئاً شيئاً..فالأمر لم يتوقف عند الحرارة المرتفعة..بل تجمعت بداخلي أمراض كثيرة

رياء..على نفاق..ومن الكذب قليلاً ونوع آخر من القسوة وعدم الرحمة..على قليل من الفتور وبعض من غياب النية..على كثير من عدم المراقبة..,معهم شعور بالضياع حتى احترقت

الكاتب: قلبي وقلبك

ارحم قلبك
ارحم قلبك
ارحم قلبك

فإنه والله يصرخ ويحتضر وتجمعت فيه الكثير من الأمراض حتى أصبح منزوع الإحساس والهوية..هائم على وجهه..تابع للهوى
يحترق..ولونه أصبح متعكر
لو أنك عالجته منذ أول مرض..لما وصل إلى هذا الداء الخطير
ولكن..يبقى الله..هو الله
فابدء بكورس علاج القلب

من نفاق ورياء وكذب وعجب وكبر وغرور وعمل من أجل الناس وانتظار الشكر والغيبة والنميمة والخداع وإطلاق البصر وتجمد العين ....وكل ما يفقد قلبك حلاوة الإيمان

اذهب لخالقك..فهناك العلاج..لا تمل..فالمريض موصوف بالصبر

هيا..فحرارة القلب مرتفعة..وإنه يحتضر

الثلاثاء، 26 يناير 2010

عــــادت الروح"مرحبا بالأجازة"


والحمد لله الذي بنعمته تتم الصالحات

انتهى الكابوس اليوم

وعادت الروح من جديد

عادت ألوان الحياة الزاهية..ورحل اللون القاتم

كالعادة..تعلمت الكثير الكثير واكتسبت الكثير في هذه الفترة الطويلة

إن أطلقت حبر القلم..لن يصمت حتى ينكسر

المهم..عدنا بأجازة نسأل الله أن تكون مثمرة

ونعود للكتابة

إن شاء الله